كيك دايت موفرة صيامى هشة وسهلة ومتجربة

المقادير
2 كوب دقيق 
1كوب سكر او اقل حسب الرغبة
1 وربع كوب عصير تانج مدوب فى ميه 
فانيليا او بشر برتقال 
6 معالق كبيرة زيت 
باكو بيكنج بودر
2معلقة كبيرة خل او معلقة محسن خبز 
الطريقة 
الاول سخنى الفرن 
وبعدين هتحطى الزيت مع السكر والخل والفانيليا وبشر البرتقال والعصير فى الخلاط
وهتنخلى الدقيق والبودر مرتين 
هتصبى الخليط فى طبق وتضيفي عليه الدقيق بالتدريج لحد ما يخلص المقدار 
و تصبيه فى صينية مبطنة سمنة ودقيق 
وعلى الفرن جرى فى الرف الوسطانى ومتفتحيش قبل 25 دقيقة 
ولما تستوى خليها تهدى شوية فى الفرن متقطعيهاش على طول
وبعدين قطعيها والله حلوة قوى اللى هياكلها مش هيعرف يفرقها عن العادية وكمان هشة وخفيفة
ومتقلقيش خالص من الخل لان هو ده اللى هيتفاعل مع البودر علشان يعلى الكيك بدل البيض وطعمه مش بيبان خالص